केज/प्रतिनिधी
केज तालुक्यातील वाघे बाभूळगाव विद्युत उप केंद्रापासुन ते नारेवाडी वस्ती रस्त्यावरील ११ के व्ही फीडरच्या २३ विद्युत पोलवरील २ लाख ३४ हजार ३०० रुपयाची ४ हजार २६० मीटर लांबीची अॕल्युमिनियमची तार अज्ञात चोरट्याने लंपास केल्याची घटना उघडकीस आली आहे.
मंगळवार दि.१ सप्टेंबर रोजी सायंकाळी ६ ते बुधवार दि.२ सप्टेंबर सकाळी साडे आठ वाजण्याच्या दरम्यान वाघेबाभुळगाव विद्युत उप केंद्रापासून नारेवाडी रस्त्यावरील ११ के व्ही फिडरच्या एकूण २३ विद्युत पोल वरील २ लाख ३४ हजार ३०० रुपयाची अॕल्यूमिनियमची ४ हजार २६० मिटर लांबीची व ६४० किलो तारेची चोरी अज्ञात चोरट्यानी केल्याचे बुधवारी लक्षात आले.या प्रकरणी महा वितरणचे भांडार व्यवस्थापक अमोल जावळे रा.अंबाजोगाई यांनी दिलेल्या फिर्यादी वरून केज पोलीस ठाण्यात अज्ञात चोरा विरुद्ध गुन्हा दाखल करण्यात आला असून पोलीस निरीक्षक राहुल सूर्यतळ यांच्या मार्गदर्शनाखाली जमादार दराडे हॆ पुढील तपास करीत आहेत.
