केज / प्रतिनिधी : – महाराष्ट्र राज्य पत्रकार संघ, मुंबई शाखा केज तालुका कार्यकारिणीची बैठक गुरुवार, दि. ६ नोव्हेंबर २०२६ रोजी उत्साहात संपन्न झाली. महाराष्ट्र राज्य पत्रकार संघाचे मराठवाडा प्रमुख तथा दैनिक समर्थ राजयोगचे संपादक वैभवजी स्वामी यांच्या आदेशानुसार आयोजित या बैठकीत केज तालुका कार्यकारिणीची सर्वानुमते निवड जाहीर करण्यात आली.
या कार्यकारिणीमध्ये तालुकाध्यक्षपदी चंद्रकांत पाटील, तालुका सचिवपदी दीपक साखरे सर, उपाध्यक्षपदी कृष्णा केदार व संदीप घुगे, कोषाध्यक्षपदी हिराचंद काळे, सहसचिवपदी कमलाकर सोनवणे यांची निवड करण्यात आली.तसेच सदस्यपदी बाबासाहेब शिरसाट, समर्थ पाटील व अविनाश साबळे, वैजनाथ काळे, गोरक्षनाथ रहाणे प्रसिद्धीप्रमुखपदी अमोल शेटे, तर कायदेशीर सल्लागारपदी ॲड. एस. बी. मस्के यांची निवड करण्यात आली.
बैठकीत सर्व पदाधिकाऱ्यांची निवड सर्वानुमते करण्यात आली. नवनिर्वाचित कार्यकारिणीचे उपस्थित पत्रकार बांधवांनी अभिनंदन केले.
तसेच पत्रकारांच्या न्याय्य हक्कांसाठी, पत्रकारांच्या संघटनात्मक बळकटीसाठी आणि पत्रकारांच्या विविध प्रश्नांना वाचा फोडण्यासाठी संघटनेच्या माध्यमातून प्रभावीपणे कार्य करण्याचे आवाहन करण्यात आले.
यावेळी नवनिर्वाचित सर्व पदाधिकाऱ्यांना पुढील वाटचालीस शुभेच्छा देण्यात आल्या.
