केज/प्रतिनिधी
महाराष्ट्र प्रदेश काँग्रेस कमिटीचे प्रांताध्यक्ष हर्षवर्धन सपकाळ यांनी बीड जिल्हा काँग्रेस कमिटीच्या नवनिर्वाचित कार्यकारिणीला अधिकृत मान्यता दिली आहे. जिल्हा काँग्रेस कमिटीचे अध्यक्ष राहुल सोनवणे यांनी पाठविलेल्या प्रस्तावाला प्रदेश काँग्रेस कमिटीने मंजुरी दिल्यानंतर १८ ऑगस्ट २०२६ रोजी नवीन कार्यकारिणीची अधिकृत यादी जाहीर करण्यात आली. प्रदेश काँग्रेस कमिटीचे वरिष्ठ उपाध्यक्ष अ‍ॅड. गणेश पाटील यांनी ही यादी प्रसिद्ध केली.
बीड जिल्ह्यात काँग्रेस संघटना अधिक मजबूत करण्याच्या उद्देशाने नवीन कार्यकारिणीत जिल्ह्यातील अनुभवी, अभ्यासू आणि पक्षाच्या विचारधारेशी बांधिलकी असलेल्या कार्यकर्त्यांना विविध पदांची जबाबदारी देण्यात आली आहे. आगामी काळात पक्षाची ध्येयधोरणे तळागाळापर्यंत पोहोचविण्यासोबतच संघटनात्मक बांधणीला अधिक गती देण्यावर भर राहणार असल्याचे या निवडीवरून स्पष्ट झाले आहे.
जिल्हा कार्यकारिणीत उपाध्यक्षांची नियुक्ती
नवीन कार्यकारिणीत जिल्हा उपाध्यक्षपदी प्रविणकुमार भाऊराव शेप, नवनाथ रामनाथ थोटे, जुबेर मकराणी चाऊस, प्रकाशराव लक्ष्मणराव देशमुख, वसंतराव मोरे, अशोक विश्वनाथ बहिरवाळ, बिलकीस कच्छी, हनिफ करिम सय्यद आणि प्रविण योगीराज मेटे यांची निवड करण्यात आली आहे.तर जिल्हा काँग्रेस कमिटीच्या कोषाध्यक्षपदी बिपीनचंद्र शाहूराव ठोंबरे यांची नियुक्ती करण्यात आली आहे.
सरचिटणीसपदी १९ जणांची निवड
जिल्हा काँग्रेस कमिटीच्या सरचिटणीसपदी रमेश पाटील, आझम पाशा, विश्वनाथराव गायकवाड, अशोक बाजीराव केकाण, गणेश कल्याणराव शिंदे, हरिभाऊ सावंत, अ‍ॅड. विलास जोशी, बिबीषण बाबुराव रसाळ, श्रीनिवास बेदरे, मिलींद बाबुराव मस्के, सिद्धेश्वर देवराव रणदिवे, ज्ञानेश्वर आबासाहेब आंधळे, आनंदराव कोकाटे, एहेतेशाम खतीब, अ‍ॅड. इनामदार मशीयोद्दीन हबीबोद्दीन, शेख सिराज भाई, संभाजी जाधव आणि अशोक जगन्नाथ पायमोडे यांची निवड करण्यात आली आहे.या माध्यमातून जिल्ह्यातील विविध भागांमध्ये पक्षाची संघटनात्मक ताकद वाढविण्यासाठी जबाबदाऱ्या निश्चित करण्यात आल्या आहेत. स्थानिक पातळीवर पक्षाचा जनसंपर्क वाढविणे, कार्यकर्त्यांना सक्रिय करणे आणि काँग्रेसची भूमिका नागरिकांपर्यंत पोहोचविण्याचे आव्हान या पदाधिकाऱ्यांसमोर राहणार आहे.
सचिवपदी १३ कार्यकर्त्यांची निवड
सचिवपदी अ‍ॅड. विशाल मस्के, देविदास जीवराज गुंड, अ‍ॅड. सय्यद याकुब मेहमूद, रावसाहेब घाडगे, अनिल पालेकर, विजय सोनवणे, दादासाहेब ताकतोडे, मनोज महादेव इंगळे, अच्युत इंगळे, सोपान टेकाळे, अंकुश पाचपुते, मारोतीराव पवळ आणि पप्पु काका घुमरे यांची निवड झाली आहे.नवीन कार्यकारिणीत विविध स्तरांवरील कार्यकर्त्यांना संधी देण्यात आल्याने जिल्ह्यातील काँग्रेस संघटनेला नव्या उमेदीने काम करण्याची संधी मिळणार आहे. पक्षाच्या बूथ पातळीपासून जिल्हास्तरापर्यंत संघटनात्मक कामकाजाला गती देण्याची जबाबदारी नवनियुक्त पदाधिकाऱ्यांवर राहणार आहे.
कायम निमंत्रित सदस्यांचाही कार्यकारिणीत समावेश
नवीन कार्यकारिणीत कायम निमंत्रित सदस्य म्हणून जिल्हा काँग्रेस कमिटीचे माजी अध्यक्ष व कार्याध्यक्ष, जिल्ह्यातील पक्षाचे माजी मंत्री, लोकसभा आणि विधानसभा निवडणुकीतील काँग्रेस पक्षाचे उमेदवार, माजी खासदार व माजी आमदार, प्रदेश काँग्रेस कमिटीचे पदाधिकारी, आघाडी संघटनांचे जिल्हाध्यक्ष व कार्याध्यक्ष तसेच जिल्हा परिषदेचे आजी-माजी अध्यक्ष, उपाध्यक्ष आणि गटनेते यांचा समावेश असणार आहे.या वरिष्ठ आणि अनुभवी नेत्यांच्या मार्गदर्शनाचा फायदा जिल्ह्यातील संघटनात्मक कामकाजाला होणार असल्याचे काँग्रेसच्या वतीने सांगण्यात आले आहे.
नवनियुक्त पदाधिकाऱ्यांना तात्काळ नियुक्तीपत्रे देण्याचे निर्देश
प्रदेश काँग्रेस कमिटीच्या वतीने नवनियुक्त पदाधिकाऱ्यांना आपापल्या स्तरावरून तात्काळ नियुक्तीपत्रे देण्याचे निर्देश देण्यात आले आहेत. त्यामुळे नवीन कार्यकारिणीतील पदाधिकाऱ्यांकडून लवकरच संघटनात्मक कामाला सुरुवात होण्याची शक्यता आहे.बीड जिल्ह्यात काँग्रेस पक्षाची संघटनात्मक स्थिती अधिक मजबूत करण्यासाठी नवीन कार्यकारिणी महत्त्वाची ठरणार आहे. ग्रामीण भागासह शहरांमध्ये पक्षाचा जनसंपर्क वाढविणे, विविध प्रश्नांवर नागरिकांच्या समस्या मांडणे आणि कार्यकर्त्यांना एकत्रित करून पक्षाची ताकद वाढविण्याचे प्रयत्न या माध्यमातून केले जाणार आहेत.
काँग्रेस अधिक आक्रमक आणि बळकट होईल : राहुल सोनवणे
नवीन कार्यकारिणीच्या निवडीमुळे बीड जिल्ह्यात काँग्रेस पक्ष अधिक आक्रमक आणि बळकट होईल, असा विश्वास जिल्हा काँग्रेस कमिटीचे अध्यक्ष राहुल सोनवणे यांनी व्यक्त केला आहे. अनुभवी आणि नव्या कार्यकर्त्यांच्या समन्वयातून पक्षाचे संघटन अधिक प्रभावीपणे उभे करण्याचा प्रयत्न केला जाणार असल्याचे त्यांनी सांगितले.दरम्यान, नवीन कार्यकारिणी जाहीर झाल्यानंतर काँग्रेसच्या पदाधिकारी आणि कार्यकर्त्यांमध्ये उत्साहाचे वातावरण निर्माण झाले असून, आगामी काळात बीड जिल्ह्यात पक्षाच्या संघटनात्मक हालचालींना वेग येण्याची अपेक्षा व्यक्त केली जात आहे.
